Bertoko Azoka eskaintza zabalagaz bueltatuko da bihar
Arritola plazan egingo dute eguerdian.
Otsailaren 29ko Bertoko Azoka. Herriko nekazal azoka egingo dute bihar [maiatzak 30]. Arritola plazan ipiniko dituzte postuak, 12:00etatik 13:30era.
Pandemia dela eta, osasun agintariek ezarritako babes eta higiene arauak betetzea derrigorrezkoa izango dela azpimarratu dute. Beraz, bertaratzen diren herritarrek maskarak jarri eta segurtasun tarteak mantendu beharko dituzte.
12:00etan Bedarokelaren banaketa egingo dute, eta jarraian Madariagako tomatea, Oraskako ogia eta Bizkaiganeko esnekiak erosteko aukera edukiko dute azokan biltzen direnek.
Beste behin, bertokoa kontsumitzeko eta ondo pasatzeko gonbidapena luzatu dute antolatzaileek.
Otsailaren 29an egin zuten aurrekoa, eta orduan, besteak beste, Ortua eta hegaztiak’ saioa egin zuten Urdaibai Bird Centerreko Edorta Unamunogaz.
