Ertzaintzak bi lagun atxilotu ditu Bermeon, ustez droga saltzeagatik
Kokaina, haxixa, marihuana eta dirua atzeman diete ertzainek
Ertzaintzak bi lagun –36 eta 39 urte– atxilotu zituen atzo Bermeon, ustez droga saltzeagatik. Auto baten barruan zegoen bat, eta auto kanpoan bestea.Drogaren salerosketan ari ziren susmoarekin, haiengana hurbildu eta identifikatu egin zituzten. Atxilotu egingo zituztela esatean, horietako bat ihes egiten saiatu zela jakinarazi du Segurtasun sailak.
Atxiloketaren unean bi pertsona horiei 50 gramo kokaina, 30 gramo haxixa, marihuana eta 4.000 euro inguru atzeman zien Ertzaintzak. Bi atxilotuak epailearen esku utzi zituen poliziak.
