HITZAk COVID-19ari buruzko Elhuyarren bideoak zabalduko ditu
Birusaren inguruko argibideak ematea dute asmo bideo horiek, eta minutu bateko iraupena izango dute.
Koronabirusari buruzko bideo-pilulak prestatu ditu Elhuyarrek, eta egunean bat zabalduko du. COVID-19 birusaren inguruko argibideak ematea dute asmo bideo horiek, eta minutu bateko iraupena izango dute. Ana Galarraga Aiestaran Elhuyarreko kideak hainbat gai landu ditu, hala nola, birusaren jatorria, komunitate zientifikoaren ahalegina, adinaren araberako eragina, emakumeak zaurgarriago izatea, edota tratamenduen inguruan.
Elhuyarren ustez, koronabirusak sortu duen egoera berezi honetan, herritarrei euskarazko informazio irizpidedun eta kalitatezkoa ematea ezinbestekoa da, eta ahalik eta zabalkunderik handiena ematea informazio horri, herritar denengana hel dadin.
Elhuyarren sare sozialetan eta zientzia.eus atarian zabalduko duten eduki hori zabaltzeko konpromisoa hartu dute euskarazko 30 hedabide baino gehiagok ere; tartean Busturialdeko Hitzak. Wegbunean eta sare sozialen bitartez zabalduko ditu Elhuyarren bideoak.
Hemen, lehena.
