Bikoizketa lehiaketa antolatu du Bermeoko Euskaraldiko Batzordeak
Bideoak bidaltzeko azken eguna apirilak 11 izango da.
Etxean egotera behartuta gauden honetan, Bermeoko Euskaraldiko Batzordeak “berrogeialdia alaitzeko” bikoizketa lehiaketa antolatu du.
Parte hartu gura duten horiek Madlipz aplikazioa jeitsi beharko dute telefono mugikorrean, eta “irudimena astindu”. Ondoren, euskaraz ahotsa grabatu beharko da. Behin bideoa eginda, 688 82 58 19 telefono zenbakira edo
euskaraldiabermeo2@gmail.com helbide elektronikora bidali beharko da. Bideoak bidaltzeko azken eguna apirilak 11 izango dela jakinarazi dute.
Herritarrak parte hartzera animatzen dituzte: “Erraza da, dibertigarria eta orduak ziztu bizian joango zaizkizu”.
