Mendi irteera eta bideo emanaldia, Goi Zaleren eskutik
Eneko Redondoren 'Iran GurpilEKINbidaiari' proiektatuko dute barkuan, Elai-Alai aretoan
mendi irteera egingo du goi zalek Hurrengo astea betea dakar Gernika-Lumoko Goi Zale mendi taldeak. Bideo proiekzioa antolatu du hurrengo barikurako (urtarrilak 24), eta mendi irteera datorren domekarako (urtarrilak 26). Aulesti eta Gernika-Lumo arteko ibilbidea egingo dute, eta parte hartzeko izena eman beharko da urtarrilaren 23an. Horretarako, Goi Zaleren lokalera jo behar da, 20:00etatik 21:30era.
3-4 orduko ibilbidea izango da, eta 09:00etan aterako dira autobus geltokitik.
Iran gurpil gainean. Ibilbideaz gain, bideo emanaldia ere antolatu dute. Hain zuzen, Eneko Redondo gernikarrak Iranera egindako bidaiatik ekarritako bizipenak biltzen duen ikusentzunezkoa ikusi ahalko da, eta emanaldia Elai-Alai areto txikian izango dela jakinarazi dute.
Iran GurpilEKINbidaiari du izenburu barikuan emango duten film laburrak, eta 19:30ean hasiko da.
