Otsailaren 14tik 16ra bitartean izango da neguko bertso barnetegia Gautegiz-Arteagan
Neguko bertso barnetegian egon gura duenak urtarrilaren 28ra arteko epea izango du izena emateko, eta horretarako, izen emate orria bete beharko dute; Bizkaiko Bertsozale Elkartearen webgunean dago orria eskuragarri.
Gautegiz Arteagako Baratzeko baserri eskolan otsailaren 14tik 16ra bitartean batuko dira aurten 12 eta 18 urte bitarteko Bizkaiko bertsolari gazteak.
Bizkaiko Bertsolari Elkarteak adierazi duenez, bertso barnetegiaren helburu nagusiak aurreko urteetako berdinak izango dira: Bizkaiko bertso eskoletan dabiltzan gazteek elkar ezagutzea, eta beraien arteko harreman sarea sendotzea. Hala, otsailaren 14ko 17:30ean batuko dira Gautegiz Arteagan, eta domekako 12:00etara bitartean egongo dira elkarregaz.
Barnetegira doazenek kirolerako arropak eraman beharko dituzte, baita mendiko oinetakoak ere. Gainera, etxeko zapatilak eta lo zakua eramateko deia ere egin dute antolatzaileek. Horiez gain, lo zakua ere eraman beharko dute.
Izen ematea, zabalik. Neguko bertso barnetegian egon gura duenak urtarrilaren 28ra arteko epea izango du izena emateko, eta horretarako, izen emate orria bete beharko dute; Bizkaiko Bertsozale Elkartearen webgunean dago orria eskuragarri. Halaber, ordainketaren egiaztagiria eta osasun txartela atxikitu beharko dituzte.
Edozein zalantza izanez gero, bertso irakasleari galdetu edota elkartearen bulegora deitzeko esan dute antolatzaileek: 946812711
