Ikasturtean landutakoaren erakustoki
Bermeoko ikasleak Sagrado Corazon Ikastetxean elkartu dira ikasturte honetan bertsolaritza ikastaroan landutakoaren emaitza aurkeztera.
Gu ere bertsotan/Mundu bat bertso programaren ikasturte amaierako saioa egin dute Bermeoko ikastetxeetako umeek Sagrado Corazon Ikastetxean, arratsaldean. Hirugarren urtez egin dute, eta oraingo honetan 200 bat ume elkartu dira.
Gernika-Lumon, bihar goizean. Gernika-Lumoko ikastetxe guztien txanda da bihar. LHko ikasleen emanaldia 09:00etan hasiko da Lizeo Antzokian, eta DBHkoena 11:00etan.
Lehen Hezkuntzakoen saioan Allende Salazar, Barrutia eta Mertzede eskoletako eta Seber Altube eta San Fidel ikastoletako ikasleak batuko dira eta Derrigorrezko Bigarren Hezkuntzakoenean, Gernikako Institutuko, Barrutialdeko, San Fideleko, Seber Altubeko eta Mertzedeko gaztetxoek parte hartuko dute.
