Apirilaren 11 baino lehen izena eman behar da Ereñoko Mendi Martxan
Apirilaren 13an egingo dute mendi martxa, eta Internet bidez izena emateko aukera dago.
Ereñoko VIII. Mendi Martxa egingo dute apirilaren 13an (zapatua). Aldez aurretik izena eman gura dutenek apirilaren 11 baino lehen egin behar dute, www.kirolprobak.com helbidean. Izena emateko fitxa betetzean arazoren bat sortuz gero, erenomendimartxa@gmail.com posta elektronikora mezua bidaltzeko eskatu dute antolatzaileek.
Izena ematerakoan, mendi martxa laburra zein luzea egin, nagusiek 10 euro ordaindu behar dituzte, eta 14 urtetik beherakoek, berriz, 6 euro.
Martxa luzea 22 kilometrokoa da, eta laburra, ostera, 10 kilometrokoa. Luzeenean 320 pertsonako muga ezarri dute, eta laburrean, gehienez, 180 pertsonak parte hartu ahal izango dutela zehaztu dute.
22 km-ko ibilbidea egiteko 08:30ean aterako dira Arita Berri Jatetxetik, eta 10 km-koa egitera doazenenetzat 10:00etan jarri dute irteera-ordua. Martxak bukatzean, parte hartzaileak Elexaldeko frontoian dutxatu ahalko dira.
