Badator Gabon usaina

Busturialdeko Hitza

Ajangiz,Arratzu,Bermeo,Busturia,Ea,Elantxobe,Ereño,Errigoiti,Forua,Gautegiz Arteaga,Gernika-Lumo,Ibarrangelu,Kortezubi,Mendata,Morga,Mundaka,Murueta,Muxika,Nabarniz,Sukarrieta

2018/12/21

Urtero legez, hamaika jarduera antolatu dituzte Busturialdean, Gabonei begira. Olentzero eta Maringiri ongietorria emateagaz batera, tailerrak, ikuskizunak, antzerkiak, kanta eta dantza saioak, jan-edana eta bestelako jarduerak prestatu dituzte egun hotzei modu bizian aurre egiteko asmoz. Eskualdeko herrietako udal zein talde edota elkarteek kultur zein kirol arloko ekitaldiz betetako egitarau zabalak prest dituzte datozen egunotarako. Halaber, urtea amaitu eta berria hasi orduko askok eta askok euren buruari egin ohi dioten proposamena da joan den urtean baino kirol gehiago egitea datorrenean. Askotan proposamen horiek egun gutxiren buruan lagatzen dituzte bertan behera, baina Bermeon bat egin dituzte kirola eta aisialdia.

Bermeoko azoka berezia

Berritasun moduan, neguko hotzari aurre egiteko izotz pista jarriko dute Bermeon. Gabonetako ohitura da herri askotan izotz pista ipintzea, eta Bermeon ere herritarren eskura ipini dute izotz gainean dantza egiteko aukera. Lameran jarriko dute (agertokia egoten den lekuan), abenduaren 28tik urtarrilaren 6ra arte. 200 metro karratu edukiko dituen izotz pista izango da. Goizez eta arratsaldez egongo da zabalik: 11:30etik 14:00etara eta 17:00etatik 20:30era bitartean. Erabiltzaileak ordu erdiko txandetan arituko dira izotz gainean, eta sartu ahal izateko sarrera 2 eurokoa izango da. Sarrerekin batzen den dirua helburu solidarioetara bideratuko du Bermeoko Udalak. Idurre Bideguren alkateak adierazi du pistako izotza sintetikoa izango dela. «Sintetikoa denez, ez du energiarik behar, eta horregatik guztiz jasangarria da, eta, era berean, izotza baino bigunagoa denez, eroriz gero ere min gutxiago hartzen da». Uretako ekintzak. Izotz pista neguagaz eta hotzagaz lotu ohi da, baina Bermeon udako urtaroagaz lotu daitezkeen ekintzak ere egingo dituzte Gabonetan; eta nola ez, hiru ekintzek uragaz edukiko dute zerikusia. Etzi, abenduaren 24an, 30ean, 31n eta urtarrilaren 5ean gaztelu puzgarriak ipiniko dituzte goizean, Araneko udal kiroldegian, 11:00etatik 13:45era. Leku berean egingo dute bihar udalaren kirol patronatuak eta Izaro Sub urpeko elkarteak urpeko bataioa. 8 urtetik gorako neska-mutilei eta urpekaritzaren munduan murgildu nahi dutenei zuzenduta dago. Izena emateko 94-617 91 80 telefono zenbakira deitu behar da. 17:00etatik 19:00etara egingo dute bataioa, eta bertaratu nahi dutenek uretarako arropa eta igerilekuko txanoa eraman beharko dituzte. Urtea ondo eta bustita amaitzeko, aurten ere urteko azken bainu dibertigarria egingo dute Bermeon, Gabon Zahar egunean. 12:00etarako egin dute hitzordua portuan. Mozorrotuta joateko deia egin dute. EGITARAUA, HERRIZ HERRI: AJANGIZ

Gaur. Nebbianen kontzertua, 21:30ean, herriko tabernan.
Abenduak 24. Olentzero eta Mari Domingiri ongietorria, 19:00etan, Mendietako plazan.
Abenduak 26, 27, 28 eta urtarrilak 2, 3 eta 4. Haur eta gazteentzako tailerrak, 10:30etik 13:30era, kultur etxean.

ARRATZU

Gaur. – 18:30. Gabonetako apaingarriak herrian eta Gabon kantak. – 19:30. Gabon argiak piztuko dituzte. Ostean, txokolate jana. – 20:00. Su artifizialak.
Bihar. Lekitto Musika Bandaren Gabon kontzertua, 19:00etan, Santo Tomas parrokian.
Domeka. – 12:30. Meza, Santo Tomas parrokian. – 12:00-15:00. Ardo dastaketa, Loiolan.
Abenduak 24. Olentzero Arrolatik frontoira jaitsiko da, 18:30ean.
Abenduak 26. Skate ikastaroa, 18:00etatik 20:00etara, frontoian.
Abenduak 27. Egurrezko jolas tradizionalak, 18:00etatik 20:00etara, frontoian.
Urtarrilak 2. Zirku tailerra, 18:00etatik 20:00etara, frontoian.
Urtarrilak 3. Txotxongilo ikuskizuna, 18:00etan, kultur aretoan.
Urtarrilak 4. Gure etxe bakarra antzezlana, 19:30ean, Santo Tomas parrokian.

BERMEO

Abenduak 23, 24, 30, 31 eta urtarrilak 5. Puzgarriak igerilekuan, 11:00etatik 13:45era.
Abenduak 22. – 18:30. Coro Rociero Maikaren Gabon kantak eta Gabon irudiak, San Frantzisko elizan. – 20:00. Abesbatzaren Gabonetako kontzertua, Kasinoan.
Abenduak 24. – 11:30-14:30. Olentzero eta Mari Domingi azokan egongo dira. – 17:30. Olentzero eta Mari Domingiren kalejira, Ataldetik Goiko Plazaraino. Ondoren, harrera ekitaldia, Goiko Plazan, 20:30ak arte.
Abenduak 25. Izaro abesbatzaren Eguberri meza abestua, 13:00etan, San Frantzisko elizan.
Abenduak 26. Ipuin kontalaria, udal liburutegian, 12:00etan.
Abenduak 27. Pirritx, Porrotx eta Marimototsen Musua, Artza frontoian. Bi saio eskainiko dituzte: 16:00etan eta 18:00etan.
Abenduak 28. Izaro abesbatzaren Gabonetako kontzertua, San Frantzisko elizan, 13:00etako mezaren ostean.
Abenduaren 28tik urtarrilaren 6ra. Izotz pista, Lameran. Ordutegia: 11:30etik 14:00etara eta 17:00etatik 20:30era.
Abenduak 30. Urte amaierako meza, Gaztelugatxeko San Juanen, 17:00etan.
Abenduak 31. – 11:30. Bainu dibertigarria. – 13:30. II. San Silbestre lasterketa, Portuko Olatua eskulturaren paretik hasita.
Urtarrilak 5. Erregeen kabalgata, 18:00etan portutik irtenda.

BUSTURIA

Abenduak 24. Olentzerori harrera, 16:30ean, Axpe auzoan.
Abenduak 26, 27, 28 eta urtarrilak 2 eta 3. Umeentzako tailerrak, 17:00etan, kultur etxean.
Abenduak 29. Mendi bizikleta martxa, 10:00etan, Altamiratik irtenda.
Urtarrilak 5. Erregeei harrera, 17:55ean, Axpeko tren geltokian.

Abenduak 24. – 12:00 (Bedarona): Olentzero eta Mari Domingi auzoan. – Iluntzean: Abendu Santu, Natxitun Olentzero eta Bedaronan Olentzero eta Mari Domingi.
Abenduak 26. Iñausketa ikastaroa (teorikoa), goizean.
Abenduak 27. PINera irteera, 09:45ean. Itzulera: 16:00etan Barakaldotik irten.
Abenduak 28. Iñusente Eguneko bertso afaria, 20:00etan, Bedaronako txokoan.
Abenduak 29. Iñausketa ikastaroa (praktikoa), arratsaldean, Natxitun.
Abenduak 31. Gauerdian, egutegia erretzeko ekitaldia.
Urtarrilaren 2tik 5era. Ipuin mundua, 10:30etik 13:30era, Eskolondon.

EREÑO

Abenduak 23. Kontu kontalari umeentzako saioa, 18:00etan, ludotekan.
Abenduak 24. – 13:00-13:30: Karakol txapelketaren aurkezpena, plazan. – 13:30: Argazki lehiaketaren sari banaketa. – 18:30: Olentzerori harrera, udaletxe kanpoan.

ERRIGOITI

Abenduak 24. Olentzerori harrera, 20:00etan, Urian.
Abenduak 27 eta 28 eta urtarrilak 2, 3 eta 4. Erdi Amerikako kulturan murgiltzeko tailerrak, 10:00etatik 13:00etara, ludotekan.

FORUA

Abenduak 24. – 10:00. Herrian zehar abesten ibiliko dira, udaletxetik irtenda. – 18:30. Olentzeroren etorrera eta txistorra jana eta txokolate jana.
Urtarrilak 2. PINera irteera, 10:30ean, udaletxe aurretik irtenda. Itzulera: 20:00etan. Izen-ematea: hilaren 28a baino lehen.
Urtarrilak 5. Erregeen etorrera, 19:00etan; gero, txokolate jana.

GAUTEGIZ ARTEAGA

Abenduak 26, 27, 28 eta urtarrilak 2, 3 eta 4. Negulekuak kanpamendua (3 urtetik 12 urtera artekoentzat), 10:00etatik 14:00etara.

GERNIKA-LUMO

Gaurtik urtarrilaren 6ra arte. Gabonetako jaiotza, Santa Luzia baselizan. Astelehenetik barikura, 16:00etatik 20:00etara, eta asteburuetan, 10:00etatik 20:00etara.
Abenduak 24. Olentzero eta Mari Domingi herriko kaleetan zehar, 18:00etan hasita. Kalejira udaletxean amaituko da.
Abenduak 28, 29 eta 30. Gabonetako jolas parkea, Jai Alai frontoian. Ordutegia: 11:00-13:00 eta 16:00-20:00.
Urtarrilak 5. Erregeen kabalgata, 17:30ean, Lehendakari Agirre plazatik irtenda.

IBARRANGELU

Abenduak 24. – 16:30. Herritarrak Gabon kantak abesten, Elexaldetik irtenda. – 18:30. Olentzero, Elexalden.
Abenduak 27. PINera irteera. Autobusa 10:00etan aterako da, Elexaldetik. Itzulerako autobusa: 16:00etan.
Abenduak 28. Jaiotza ikusteko ate irekiak, 20:30ean, San Andres elizan.
Urtarrilak 4. Musika galduaren bila ume eta gazteentzako ikuskizuna, 18:00etan, kultur etxean.
Urtarrilak 5. Erregeak Akorda auzoan, 19:00etan. 19:15ean Elexaldera joango dira.

KORTEZUBI

Domeka. Olentzeroren ospakizuna, 18:00etan hasita, Omako txokoan.
Urtarrilak 5. Erregeen kabalgata, 17:00etan, frontoian.

MENDATA

Bihar. Olentzero eta Mari Domingiri ongietorria, 18:00etan.
Abenduak 26. Amona Joxeparen istorioa ipuin kontaketa saioa, 17:30ean, Elizoste aretoan.
Abenduak 27. Lasergunera irteera, 8 urtetik gorakoentzat. Irteera ordua: 10:00 (Elexaldetik). Itzulera ordua: 16:00.
Abenduak 28. Oliver magoaren saioa, 18:00etan, Elizosten.
Urtarrilak 2, 3 eta 4. Erdi Amerikako kulturan murgiltzeko tailerrak, 16:00etatik 19:00etara, Elizoste aretoan. 4-5 urtetik 10 urtera artekoentzat.

MORGA

Abenduak 24. – 16:30-19:30: Umeen parkea, Andra Mariko frontoian. – Ondoren: Mari Domingi umeekin egongo da.

MUNDAKA

Abenduak 24. Olentzero eta Mari Domingiren kalejira, 18:30ean, errekatik.

MUXIKA

Gaur. – Umeentzako parkea, 10:00etatik 13:00etara, Kurtzeroko frontoian. – 15:00. Olentzero eta Mari Domingiren jaitsiera, Kurtzeroko frontoitik.
Abenduak 24. – 16:00. Olentzero eta Mari Domingik Olabe egoitza bisitatuko dute. – 17:30. Olentzero eta Mari Domingi Kurtzeroko frontoitik jaitsiko dira, Zubieta errotaraino. Ostean, harrera eta postal lehiaketako sari banaketa, Zubieta errotan.
Abenduak 26, 27, 28 eta urtarrilak 2. Umeentzako tailerrak, Zubieta errotan, 17:00etatik 19:00etara.
Abenduak 27. Bilboko estalperik gabeko izotz pista ekologikora irteera, 10:00etan, Kurtzeroko aparkalekutik.
Urtarrilak 3. PINera irteera, 10:00etan, Etxekoko aparkalekutik. 17:00etan hartuko dute itzulerako autobusa.
Urtarrilak 4. Maider Alzelai ipuin kontalaria, 17:00etan, Zubieta errotan. 3-10 urte bitartekoentzako saioa.

NABARNIZ

Abenduak 24. Olentzerori ongietorria, 19:00etan, frontoian.
Abenduak 26. PINera irteera, 09:30ean, plazan.
Abenduak 30. Eskupilota partiduak, 18:00etan, frontoian.
Urtarrilak 4. Umeentzako parkea, 16:00etatik 20:00etara, frontoian. Ostean, txokolate jana.

SUKARRIETA

Bihar. Gabonetako apaingarrien tailerra, 17:30ean, ludotekan.
Abenduak 24. Olentzeroren etorrera, 18:00etan.