Mundakako Florentino Larrinaga kaleko irisgarritasuna hobetzeko lanak egingo dituzte
Mundakako Udalak jakitera eman duenez, guneak hainbat oztopo ditu mugikortasun arazoak dituzten pertsonentzat.
Lanekin, kalean eta errepidean aurkitzen diren oztopo horiek ezabatu nahi dituzte. Patxi Fernandez Mundakako Hirigintza zinegotziak adierazi duenez, “gune batzuetan pertsona nagusiek edo mugikortasun arazoak dituztenek arazo asko izaten dituzte espaloitik errepidera igarotzeko”.
Modu horretara, errepidea eta oinezkoen bidea altuera berberan jarriko dituzte, mugikortasun arazoak dituzten herritarrek kalea zeharkatzeko izan ahal dituzten arazoak ekiditeko eta irisgarritasuna hobetzeko.
Zinegotziak zehaztu duenez, oinezkoentzako bidea zoruflex izeneko material berezi eta berritzaile batekin estaliko dute. Estaldura horrekin, oinezkoek estropezu egin eta erortzea saihestea lortuko dute, zoru malgu eta moldagarria izateagaz batera. Horrez gain, epe luzerako iraunkortasuna luzatzea ere lortuko dute material horrekin. Denbora pasa ahala, “lurzorua ez da arrakalatuko”, eta horrela mantentze lan gutxiago edukiko du.
Lurzoru berriagaz batera, euriteek sortutako ur jarioa kontrolatzeko neurriak ere hartuko dituztela azaldu dute.
Bi fase. Obrak urte bukaerarako hastea aurreikusten dute. Larrinaga kalea trafikora itxita egon beharko dela aurreratu dute udaletik. Hala ere, lanak bi fasetan gauzatzeko asmoa dutela azaldu dute, era horretara bizilagunek kaletik igarotzen jarraitzeko arazorik izan dezaten.
Horrela, hasieran errepideko aldeetako batean lan egingo dute eta ondoren bestean, auzokoak aparkaleku edota dendetara joan daitezen.
Udaleko arduradunek 141.000 euroko inbertsioa egingo dutela aurreratu dute. Obrak hiru hilabeteko epean bukatuta egotea aurreikusten dute, eta horrela datorren urteko udaberri hasierarako dena prest egongo litzateke.
Zinegotziak zehaztu duenez, oinezkoentzako bidea zoruflex izeneko material berezi eta berritzaile batekin estaliko dute. Estaldura horrekin, oinezkoek estropezu egin eta erortzea saihestea lortuko dute, zoru malgu eta moldagarria izateagaz batera. Horrez gain, epe luzerako iraunkortasuna luzatzea ere lortuko dute material horrekin. Denbora pasa ahala, “lurzorua ez da arrakalatuko”, eta horrela mantentze lan gutxiago edukiko du.
Lurzoru berriagaz batera, euriteek sortutako ur jarioa kontrolatzeko neurriak ere hartuko dituztela azaldu dute.
Bi fase. Obrak urte bukaerarako hastea aurreikusten dute. Larrinaga kalea trafikora itxita egon beharko dela aurreratu dute udaletik. Hala ere, lanak bi fasetan gauzatzeko asmoa dutela azaldu dute, era horretara bizilagunek kaletik igarotzen jarraitzeko arazorik izan dezaten.
Horrela, hasieran errepideko aldeetako batean lan egingo dute eta ondoren bestean, auzokoak aparkaleku edota dendetara joan daitezen.
Udaleko arduradunek 141.000 euroko inbertsioa egingo dutela aurreratu dute. Obrak hiru hilabeteko epean bukatuta egotea aurreikusten dute, eta horrela datorren urteko udaberri hasierarako dena prest egongo litzateke. 
