Txileko Alderdi Demokrata Kristauko presidentea Batzarretxean egon da
Ana Otadui Bizkaiko Batzar Nagusietako presidenteak harrera egin zion atzo arratsaldean Fuad Chahin, Txileko Alderdi Demokrata Kristauko presidente berriari. Politikari txiletarra ekainetik da bere alderdiko presidentea; aurretik, zortzi urtez diputatua izan zen.
Chahin-egaz batera, Txileko Kristau Demokraziako Gazteen Presidente Manuel Gallardo eta laguntzaile moduan Fernando Burrows egon ziren Gernika-Lumon. Halaber, atzoko Batzarretxeko bisitan egon zen Euzko Alderdi Jeltzaleko Nazinoarteko Harreman eta Sustapenaren arloko arduraduna den Mikel Burzako.
Ondo etorria emateko berba batzuk eskaini ostean, Batzarretxeko areto eta txokoak bisitatu zituzten. Hain zuzen, beirateriaren aretoa eta osoko bilkurak egiten diren aretotik pasatu ostean, Gernikako arbolaren ondoan, aurreskua dantzatu zieten bisitariei eta bertan talde argazkia atera zuten. Beste gonbidatu zein bisitari askok egiten duten moduan, Txileko Alderdi Demokrata Kristauko presidenteak ere Batzarretxeko Ohorezko Liburuan sinatu zuen.
