Ura goitik eta ura behetik
Euripean egin dute mastapuntakoa gaztetxoek. Jokin Akarregik, Jon Vegak eta Pello Olaortuak lortu dituzte ikurrinak. Zapatuan amaituko dira jaiak KoittaduagazUmeen Eguna ospatu zuten atzo, Lekeition, eurentzako bereziki prestatutako ekimenekin. Euriak ...
Euripean egin dute mastapuntakoa gaztetxoek. Jokin Akarregik, Jon Vegak eta Pello Olaortuak lortu dituzte ikurrinak. Zapatuan amaituko dira jaiak Koittaduagaz
Umeen Eguna ospatu zuten atzo, Lekeition, eurentzako bereziki prestatutako ekimenekin. Euriak ez zuen atsedenik eman goizean, eta, beraz, txiki rallya elizpeko aterpean eduki zuten ume eta gaztetxoek. Bizikletan edo pedalezko ibilgailuetan osatu zuten zirkuitua, batera eta bestera.Goitik ura eta behetik ura izan zuten, ostera, Garraitz taldekoek antolatuta Abadeen moilan mastapuntakoa lehiatu zuten umeek. Denetara 32 ume ahalegindu ziren mastako ikurrinak hartzen. Hamasei txiki igo ziren masta gainera lehen ikurrina lortzeko asmoz, eta, azkenean, Jokin Akarregik lortu zuen saria. Hamabost neska-mutil ahalegindu ziren ondoren, bigarren ikurrina harrapatzen, eta buelta batzuk emanda, Jon Vegak lortu zuen makilari kolpe egin eta uretara salto egitea.
Azken ikurrina lortzea ez zen bat ere erraza izan. Adin guztietako ausartak saiatu eta saiatu ibili ziren arren, ez zuen inork eskuratzen. Halako batean Pello Olaortuak heldu zion punta-puntako ikurrinari.
Luze joan zen azken ikurrinaren harrapaketa, eta hotzez ere baziren gaztetxoak, hala ere, tinko eutsi zioten ahaleginari. 50, 75 eta 100 euroko sariak eraman zituzten ikurrinen jabeek.
Umeen Eguna igarota, sanantolinetako azken bi egunak dituzte aurretik lekeitiarrek. Zapatuan agurtuko dituzte jaiak Koittaduagaz.
