Iokin Garaik eta Silvia Trigerosek jantzi dituzte Mendataz Ezagutuz maratoiaren txapelak
Atzo lehiatu zuten Mendata Ezagutuz proba. Hemeretzigarrenez egin dute, baina, maratoia egin duten hamalaugarren biderra izan da aurtongoa.
570 pertsona batu ziren Mendatan, eta horietatik 41 izan ziren maratoia egin zuten korrikalariak. 40 kilometro inguruko lasterketa, hiru ordu, 35 minutu eta 40 segundotan egin zuen Garai oñatiarrak, eta ordubete beranduago heldu zen Trigeros abadiñarra.
Antolatzaileen berbetan, iaz baino jende gehiago egon da aurten, batez ere maratoian. “Goi mailako korrikalariak egon ziren; maila altua egon zen. Uste dugu bost Deiadar Mendietatik egingo den maratoia prestatzeko etorri zirela parte hartzaile batzuk”. Maratoiko korrilarien artean asko izan ziren eskualdekoak, eta badaude urtero-urtero egiten dutenak. Emakumeen parte hartzea bultzatzen dute, eta aurten, esaterako, lau emakumek lehiatu dute.
Urtero 21 kilometroko martxan batzen da jende gehien. Hala, aurten 150 pertsonak egin dute martxarik luzeena, 37 kilometroko mendi ibilaldia. Bestalde, 10 kilometroko martxa laburrean 100 pertsona batu ziren. “Azken horretan egin dugu aldaketa nabarmenena; irteera-ordua atzeratzea erabaki baitugu. Izan ere, urtero probaren amaieran galdetegia pasatzen dugu partaideen artean, eta iaz martxa laburra beranduago hastea proposatu ziguten, umeekin etorri ahal izateko”. Gainera, umeek ondo pasatzeko puzgarriak jarri zituzten 12:00etatik bazkalordura arte.
Bazkaritan ere jendetza batu zen frontoian. Antolatzaileen eta parte hartzaileen artean, 650 pertsonak bazkadu zuten sukalkia.
Silvia Trigeros abadiñarra atzoko maratoian.
Argazkia: Mendata Ezagutuz.
