Goizaldeko Alboradagaz hasiko dira ofizialki Mundakako sanpedroak
03:00etan izango da Alborada. Ohiturari eutsiz, herritarrekin batera udalbatzaren ordezkariak aterako dira.
Bihar eguerdian herriko nagusienek El Casino Jatetxean dute hitzordua. Jai giroa nagusituko da. Izan ere, bazkalostea alaitzeko Disco Bengalaren dantzaldia izango dute.
Mundakarrak moilan batuko dira bihar arratsaldean, itsasoko jokoetan aritzeko eta partaideen abilezia ikusteko irrikitan.
Iluntzean plaza izango dute topagune. Urtero moduan, ume zein nagusien koreografiez gozatuko dute.
Nagusien emanaldia bi aktorek aurkeztuko dute; Zorion Egileor mundakarrak eta Ylenia Baglieto eibartarrak gidatuko dute ikuskizuna. Aurpegi ezagunak egongo dira nagusien lanak epaitzen. Besteren artean, Iñaki Marurik, Maitane Zalduegik, Lander Otaolak eta Alicia Suarez egongo dira Mundakan.
BIHARKO EGITARAUA:
- 13:00. Meza, nagusien omenez.
- 14:00. Nagusien bazkaria, El Casino Jatetxean.
- 16:00. Disco Bengalaren dantzaldia.
- 16:00-19:00. Itsas Jaia portuko moilan, Txilipitxeruek Kultur Elkarteak antolatuta.
- 18:00. Gazte eta elite mailetako pala partiduak, frontoian.
- 18:30. Txistularien kalejira, buruhandiekin.
- 19:45. Playback-eko Photocall-a, Ludotekan, Gaztezar Dantza Taldearen laguntzagaz.
- 20:00. Umeen playback-a, plazan. Gaztezar Dantza Taldearen kolaborazioagaz.
- 20:30. Nagusien playback-a. Egunsenti Dantza Taldearen kolaborazioarekin.
