Maria Zorroza hirugarren sailkatu da Izarraitzko Mendi Lasterketan
Walther Becerra sestaoarra eta Oihana Azkorbebeitia abadiñarra dira aurtengo txapeldunak.
Azkorbebeitia hamaseigarren sartu zen sailkapen orokorrean; bi ordu, 39 minutu eta 32 segundotan burutu zuen atzo mendi lasterketa. Bost minutu eta 58 segundoko aldea atera zion Nuria Picas baltzelonarrari (sailkapen orokorrean 28.ena) . Zorroza gernikarrak bi ordu, 47 minutu eta 51 segundotan amaitu zuen proba (sailkapen orokorrean 31.ena).
Becerrak bi ordu, hamazortzi minutu eta hamazortzi segundoko marka ezarri zuen atzo. Imanol Larrañaga azkoitiarrak eta Xabat Manzisidor azpeitiarrak osatu zuten gizonezkoen podiuma. Becerrarengandik hiru minutu eta 38 segundora helmugaratu zen Larrañaga, eta lau minutu eta segundo batera Manzisidor.
112 korrikalarik lehiatu zuten Azpeitia eta Azkoitia arteko 25 kilometroko mendi lasterketa.
