Lekeitioko Euskal Eskola Publikoaren Jaiaren abestia estreinatu dute
Unai Egia eta Iñigito Txapelpunk dira 'Zapran gagoz' abestiaren musikaren egileak, eta Xabier Amurizak ipini dizkio hitzak. Bideoklipa gaur estreinatuko dute, Ikusgarri zinema aretoanEkainaren 3an Zapran gagoz lelopean Lekeition egingo den 27. Euskal ...
Unai Egia eta Iñigito Txapelpunk dira ‘Zapran gagoz’ abestiaren musikaren egileak, eta Xabier Amurizak ipini dizkio hitzak. Bideoklipa gaur estreinatuko dute, Ikusgarri zinema aretoan
Ekainaren 3an Zapran gagoz lelopean Lekeition egingo den 27. Euskal Eskola Publikoaren Jaiaren abestia aurkeztu zuten atzo, Bilbon. Zapran gagoz izenburua dauka abestiak, eta ekoizpenean zein grabaketan lekeitiarrak izan dira protagonista.Bideokliparen aurrerapen bat ere eskaini zuten atzoko agerraldian, baina estreinaldia gaur izango da, Lekeition. Bi saio eskainiko dituzte Ikusgarri zinema aretoan: 19:00etan eta 19:45ean. Saio horietan abestia zuzenean joko dute, eta bideoklipa ere proiektatuko dute. Azaldu dutenez, gainera, abestia eta bideoklipa aurkezteko sarreratxo bat ere egingo dute. Dena dela, herritar guztientzako bideoklipa datorren astetik aurrera egongo da ikusgai.
Grabaketa egunak
Abestia urtarrilaren 29an, 30ean eta 31n grabatu zutela ere esan dute aurduradunek. Bideokliperako irudiak, ostera, apirilaren 16tik 19ra hartu zituzten; Xabier Villalbak eta Traola Produkzioak-ek egin dute bideoklipa.
