Gernika BHI-ko literatur lehiaketako sariak eman dituzte Lizeo Antzokian

Izaro Mendieta

2018/03/28

Gernika BHI institutuak antolatzen duen Literatura lehiaketan parte hartu duten ikasleak Lizeo antzokian batu dira gaur goizean, lehiaketaren sari banaketa ekitaldian. Guztira, 350 bat ikasle aurkeztu dira aurten lehiaketara, eta kategoria bakoitzeko finalistak eta irabazleak deitu dituzte oholtza gainera. Lizeo Antzokian egindako ekitaldian, Jasone Osoro idazlea izan dute gobidatu. Sariak banatu dituzte, baina, dantzan eta bertsotan ere aritu dira institutuko ikasleak. Gainera, Jasone Osorori elkarrizketa egin diote, eta ikasleekin hitz egiteko ere igo da agertokora idazlea. Hala, bertaratutako ikasleei irakurtzen eta idazten jarraitzeko gonbitea egin die, eta irudimena bilatu eta erabiltzera animatu ditu. A kategorian (Batxilergoa) 24 lan ailegatu dira finalera Prosa atalean, eta 15 lan, aldiz, Poesia atalean; B kategorian (DBH 4), aldiz, prosako 12 lan saritu dituzte, eta poesian bakarra. C kategorian (DBH 2), azkenik, poesiako 4 lan aukeratu dituzte, eta 14 prosari dagokionez. Horien artean, lehenengo, bigarren eta hirugarren sarituak saritu dituzte, eta, horrez gain, aipamen berezia ere jaso dute beste batzuek. Argazki galeria ikusteko sakatu hemen: SAILKAPENA: C Kategoria (POESIA):

Zutaz maitemindu nintzen. Mara Idoiaga Gabiola (DBH 2D).
Burutik kendu ezinean. Amets Etxeguren Hardman (DBD 2D).
Nire bihotzeko taupadak. Ruria Higa Iwase (DBH 2C).

C Kategoria (PROSA):

Aske bizi. Ane Mei Aspiazu Etxeandia (DBH 2B).
Eguneroko irakatsiak. Enara Ondarza Ruiz (DBH 2A).
Alderantzizko mundua. Eneko Zorroza Heriz (DBH 2C).

B Kategoria (POESIA):

Neska baten poesiak. Joane Llantada (DBH 4C).

B Kategoria (PROSA):

Zein urrun dagoen Europa. Beñat Albizbeaskoetxea Sanchez (DBH 4A).
Ekaitzaren ostean dator barea. Ane Aldana Gainza (DBH 4B).
Su urdina. Lautaro Suarez Nasisi (DBH 4B).

A Kategoria (POESIA):

Aske. Ziortza Barruetabeña Erdaide (DBH 2A).
Heriotzaren aitormenak bizitzari: etsipena. Joane Xiewei de la Huerga Mancisidor (DBH 2B).
Gaua da eta laster arte, maitia. Maider Serrano Ezkiaga (DBH 2E).

A Kategoria (PROSA):

Eskerrik asko. Beñat Landajo Villaverde (DBH 2E).
Atzeraezin. Claudia Parfene Parfene (DBH 2E).
Hil ala bizi. Eiser Salegi Frutos (DBH 2E).

Erlazionatutako edukia[ARGAZKI GALERIA] Gernika BHIko literatur lehiaketako sari banaketa