Euskal Herriko sokatiralariek 16 domina lortu dituzte Munduko Sokatira Txapelketan
Martxoaren 8tik 11ra jokatuko dute Txinako Xuzhou herrian Munduko Goma Gaineko Sokatira Txapelketa. Euskal ordezkariek, kluben arteko lehian 9 domina irabazi dituzte, eta Basque Country moduan 7 domina jantzi dituzte.
Lehenengo bi egunetan klubetako kideak aritu ziren zein baino zein gehiago, eta asteburuan, ostera, naziokako lehiak egin dituzte.
Euskal Herriko selekzioak hiru zilarrezko domina eta lau brontzezko lortu ditu. Neskak 500 eta 540 kiloetan hirugarren sailkatu dira. Mutilek zilarrezko domina jantzi dute 600 kilotan, eta brontzea 560 kilokoan. 600 kiloko mistoan ere hirugarren sailkatu ziren euskaldunak.
23 urtez azpikoetan nesken eta mutilen taldeek zilarrezko domina irabazi zituzten.
Taldekako txapelketan Gaztediko neskek egindako lana nabarmendu da. Izan ere, 500 eta 540 kiloko kategorietan Munduko txapeldun izatea lortu du Batirtze Ispizua eta Erika Julieth Rojas bermeotarren taldeak.
Gainera, 500 kilokoan euskal podiuma izan zen barikuan. Laukizko taldeak urrezko domina irabazi zuen, Badaiotz talde arabarrak zilarrezkoa eta Ibarra gipuzkoarrak brontzezkoa. 540 kilokoa eguenean irabazi zuten; Herbereetako Monnickendam taldearen kontra nagusitasunez lortu zuten urrea.
Gizonezkoetan, berriz, 560 kilokoan Gaztedi txapeldunorde geratu zen, eta Ibarrak hirugarren postuak eskuratu zituen 600 kiloko gizonezkoetan eta 600 kiloko mistoan.
23 urtez azpikoetan, nesketan zein mutiletan Berriozar talde nafarrak zilarrezko domina irabazi zuen.
Busturialdeko sokatiralariak dauden Sokarri taldea podiumetik hurbil geratu zen; 600 kilotko kategorian laugarren postu bat lortu zuen, barikuan (560koan ere parte hartu zuten eguenean).
KLUBEN ARTEKO TXAPELKETA:
Martxoak 8, eguena
560 kilo gizonezkoak:…………………… Gaztedi ZILARRA
540 kilo emakumezkoak……………….. Gaztedi URREA
600 kilo gizonezkoak Sub 23:………… Berriozar ZILARRA
500 kilo emakumezkoak Sub 23:……. Berriozar ZILARRA
Martxoak 9, barikua
500 kilo emakumezkoak:
1 Gaztedi (Laukiz, Bizkaia)……………. URREA
2 Badaiotz (Araba)………………………. ZILARRA
3 Ibarra (Gipuzkoa)……………………… BRONTZEA
600 kilo gizonezkoak:…………………… Ibarra BRONTZEA
600 kilo mistoa:………………………….. Ibarra BRONTZEA
NAZIOEN ARTEKO TXAPELKETA:
Martxoak 10, zapatua
560 kilo gizonezkoak:…………………… brontzea
540 kilo emakumezkoak:………………. brontzea
500 kilo emakumezkoak Sub 23:……. zilarra
600 kilo gizonezkoak Sub 23:………… zilarra
Martxoak 11, domeka
500 kilo emakumezkoak:………………. brontzea
600 kilo gizonezkoak:…………………… zilarra
600 kilo mistoa:………………………….. brontzea
Sokarri taldeko sokatiralariak, Txinan.
