Gernika Sporting Regionalak Baskonia Bren aurka jokatuko du zapatuan
Regional mailako Gernika Sporting A taldeak Baskonia B taldearen aurka jokatuko du, zapatuan. Soloarte zelaian izango da partida, arratsaldeko 15:45etatik aurrera.
Gernika Sporting A taldekoek etxean galdu zuten aurreko partida Loyolaren aurka eta garaipenaren bila joango dira oraingoan Basaurira; Baskoniak bestalde, 0-6 irabazi zuen aurreko jardunaldian. Gernikarrek baino bi garaipen gehiago lortuta, 7. postuan daude Baskoniakoak. Gernikarrek aldiz, 9. postua dute, 27 punturekin.
Sporting Regional B taldekoak aldiz, etxean arituko dira asteburuan. Orozkoko Atxulaur KT taldearen aurka arituko dira zapatuan Urbieta 2 zelaian.
Arratsaldeko 18:00etan hasiko da partida eta 5. sailkatuaren aurka jokatuko dute gernikarrek. Joan den asteburuan berdinketa lortu zuten Urdaibai taldearen aurka Gernikako derbian eta etxean garaipena lortzen saiatuko dira oraingoan. Atxulaur taldeak bere partetik, aurreko jardunaldian atseden hartu zuen.
Partidak:
- Baskonia B – Gernika Sporting Regional A
- Zapatuan, Soloarte zelaian. 15:45
- Gernika Sporting Regional B – Atxulaur
- Zapatuan, Urbieta 2 zelaian. 18:00
