Elkartasunezko 77 bizikleta, Busturialdetik Senegalera
Berbizikleta ekimenak izandako arrakastagaz pozik dira sustatzaileak, «sekulako parte hartzea» eduki duelako. Guztira, 77 bizikleta jaso dituzte, eta horiek ekartzera gerturatu diren guztiak «eskertu eta zoriondu» nahi izan dituzte. Maier enpresan eta Astran batu dituzte bizikletok, eta Bartzelonan behar besteko konponketak egin ostean, Senegalera eramango dituzte.
