Enpresa Ideien Lehiaketaren sariak banatuko dituzte Bermeon
Bihar Nestor Basterretxea aretoan egingo dute sari banaketa ekitaldia, 13:00etatik aurrera. Guztira hamabost enpresa ideia aurkeztu dituzte aurtengo lehiaketaraBermeon banatuko dituzte bihar Busturialdeko Enpresa Ideien Lehiaketaren sariak. Nestor Bast...
Bihar Nestor Basterretxea aretoan egingo dute sari banaketa ekitaldia, 13:00etatik aurrera. Guztira hamabost enpresa ideia aurkeztu dituzte aurtengo lehiaketara
Bermeon banatuko dituzte bihar Busturialdeko Enpresa Ideien Lehiaketaren sariak. Nestor Basterretxea aretoan egingo dute sari banaketa, 13:00etan.Enpresa Ideia Lehiaketagaz, batetik, eskualdean enplegua sortu gura dute, eta, bestetik, Busturialdeko gazteen ekintzailetza kultura sustatu. Bermeoko eta Gernikako udaletako gazteria zerbitzuek eta Urremendi Landa Garapen Elkarteak antolatzen duten lehiaketa da, eta aurtengoa laugarren urtea da.
Antolatzaileek jakitera eman dutenez, aurten hamabost enpresa ideia aurkeztu dituzte lehiaketara.
Epaimahaikideek zenbait irizpide eduki dituzte kontuan enpresa ideiak baloratzerako orduan: proposamenaren izaera berritzailea, balio erantsia eskaintzea eta originaltasuna; enplegua sortzeko daukan gaitasuna eta sortutako lanpostuen kalitatea; eskualdean proiektua aurrera eroateko aukera; proiektuaren jasangarritasuna eta proiektuaren definizio eta garapen maila edota gizarte eragina, besteak beste.
Aurten honakoek osatu dute epaimahaia: Nere Mintegi Elorriaga (Bermeoko Udaleko ordezkaria), Aritz Kobeaga Arranz (Bizkaiko Foru Aldundiko ordezkaria), Joseba Irazabal Obieta (Gernika-Lumoko Udaleko ordezkaria), Joseba Mallea Lamikiz (Urremendi LGEko ordez- karia) eta Leire Zaballa (HAZIko ordezkaria).
3.000 euro irabazleek
Proiektu irabazlearen egileek 3.000 euroko saria jasoko dute. Gainera, Arratzuko Elkartegian urtebeteko kuota ordainduta izango dute.
Halaber, bigarren saridunarentzat 2.000 euro banatuko dituzte; horrek ere urtebeterako izango du Arratzuko Elkartegiko kuota ordainduta. Lehen sektoreagaz zerikusia daukan ideia onenari, berriz, 1.000 euro emango dizkiote, aurreko saririk jaso ez badu.
Iaz Maddi Amezaga Arriagaren Aldapeko Ahuntz Esnekiak proiektuak jaso zuen lehiaketako sari nagusia.
