Nagusien talde guztiek bihar daukate hitzordua
Lea-Artibai eta Mutrikuko futbol talde guztiek bihar jokatuko dituzte partidak.Berriatuko Futbol Taldeak eta Mutriku Futbol Taldeko mutilek eta neskek 16:00etan jokatuko dute. Berriatukok Ezkurdi talde durangarra hartuko du Ibarran, eta etxeko azken pa...
Lea-Artibai eta Mutrikuko futbol talde guztiek bihar jokatuko dituzte partidak.
Berriatuko Futbol Taldeak eta Mutriku Futbol Taldeko mutilek eta neskek 16:00etan jokatuko dute. Berriatukok Ezkurdi talde durangarra hartuko du Ibarran, eta etxeko azken partidan egin modura, biharkoan ere garaipena lortzen saiatuko dira Erketz Azkueren mutilak. Azken bi partidetan lau puntu lortuta, sailkapenean postuak aurreratzen joan nahi dute berdeek.
Mutrikuko mutilek irteera zaila dute asteburuan. Hernaniren aurka jokatuko dute puntuak ateratzea oso gaitza izan ohi den Zubipe futbol zelaian. Iaz hutsean berdindu zuten eta puntu batekin itzuli ziren Txaparroren mutilak. Azkenik, Mutrikuko neskek Bergara hartuko dute San Migelen. Mutrikuarrek baino puntu bat gehiago dute debagoiendarrek, eta azken partidan joan den astean Deban lortutako garaipen ederrari jarraipena ematen saiatuko dira.
Ordu erdi beranduago jokatuko du Lekeitio Futbol Taldeak Larrotegin. Trapagaran izango dute bisitari lekeitiarrek, sailkapenean puntu bat gutxiago duen taldea. Garaipenak goiko postuei begira jartzeko aukera bikaina emango die lekeitiarrei.
Artibaik ere puntuak batzen jarraitu nahi du. Joan den astean etxetik kanpo lehen garaipena lortu eta gero, asteon etxean jarraipena ematea da Bitor Lekunberriren mutilen asmoa. 17:00etan hasiko da Barroetan Ugaoren aurkako partida.
Ondarroako Aurrera
Jokatzen azkena Aurrera izango da. Irteera zaila dute ondarrutarrek Erandiora Apurtuarte taldearen aurka jokatzeko. Azken partidako jipoia ahaztu eta berriz garaipenaren bidera itzuli nahi dute Aurrerakoek; 0-4 galdu zuten Zaldupen. Etxetik kanpo jokatutako azken partida hartuko dute eredutzat Ibon Lopezen mutilek. Bi taldeek elkarren aurka jokatu zuten azken partida 2010eko ekainaren 12an izan zen. Partida hura Zaldupen jokatu zen, eta 3.mailara igotzeko play-offetako partida izan zen.
Berriatuko Futbol Taldeak eta Mutriku Futbol Taldeko mutilek eta neskek 16:00etan jokatuko dute. Berriatukok Ezkurdi talde durangarra hartuko du Ibarran, eta etxeko azken partidan egin modura, biharkoan ere garaipena lortzen saiatuko dira Erketz Azkueren mutilak. Azken bi partidetan lau puntu lortuta, sailkapenean postuak aurreratzen joan nahi dute berdeek.
Mutrikuko mutilek irteera zaila dute asteburuan. Hernaniren aurka jokatuko dute puntuak ateratzea oso gaitza izan ohi den Zubipe futbol zelaian. Iaz hutsean berdindu zuten eta puntu batekin itzuli ziren Txaparroren mutilak. Azkenik, Mutrikuko neskek Bergara hartuko dute San Migelen. Mutrikuarrek baino puntu bat gehiago dute debagoiendarrek, eta azken partidan joan den astean Deban lortutako garaipen ederrari jarraipena ematen saiatuko dira.
Ordu erdi beranduago jokatuko du Lekeitio Futbol Taldeak Larrotegin. Trapagaran izango dute bisitari lekeitiarrek, sailkapenean puntu bat gutxiago duen taldea. Garaipenak goiko postuei begira jartzeko aukera bikaina emango die lekeitiarrei.
Artibaik ere puntuak batzen jarraitu nahi du. Joan den astean etxetik kanpo lehen garaipena lortu eta gero, asteon etxean jarraipena ematea da Bitor Lekunberriren mutilen asmoa. 17:00etan hasiko da Barroetan Ugaoren aurkako partida.
Ondarroako Aurrera
Jokatzen azkena Aurrera izango da. Irteera zaila dute ondarrutarrek Erandiora Apurtuarte taldearen aurka jokatzeko. Azken partidako jipoia ahaztu eta berriz garaipenaren bidera itzuli nahi dute Aurrerakoek; 0-4 galdu zuten Zaldupen. Etxetik kanpo jokatutako azken partida hartuko dute eredutzat Ibon Lopezen mutilek. Bi taldeek elkarren aurka jokatu zuten azken partida 2010eko ekainaren 12an izan zen. Partida hura Zaldupen jokatu zen, eta 3.mailara igotzeko play-offetako partida izan zen.
