Ereñozarrera 37. Igoera lehiatuko dute domeka eguerdian
Mendian gora arineketan egitea gustuko duten korrikalariek urteko hitzorduetako bat dute asteburu honetan.
Izen ematea doakoa da, eta egunean bertan izena eman behar da. Zehatz esateko, parte hartzeko asmoa dutenek 12:45 baino lehenago izena eman beharko dute Ereñoko udaletxearen parean.
Gero, 13:00etan hasiko da proba.
Denentzako sariak. Parte hartzaile guztientzat sariak egongo dira. Irabazleak txapela janzteagaz batera, 100 euro jasoko ditu. Bigarren sailkatuak 70 euro eskuratuko ditu, eta hirugarrenak, berriz, 50 euro. Halaber, Ereñozarreko tontorrera heltzen den lehenengo ereñarra ere sarituko dute; berari 20 euro emango dizkiote.
