Urdaibaiko Organoak zikloak kontzertu eta bisita gidatu gehiago dakartza
Bihar hasi eta abuztuaren 15era bitartean, eskualdeko zazpi herritan egingo dituzte kontzertuak. Busturiko eta Mundakako organoak ezagutzeko, gainera, bisita gidatuak egingo dituzteTurismoa eta kultura musikala uztartuta iritsiko da hamalaugarrenez Urd...
Bihar hasi eta abuztuaren 15era bitartean, eskualdeko zazpi herritan egingo dituzte kontzertuak. Busturiko eta Mundakako organoak ezagutzeko, gainera, bisita gidatuak egingo dituzte
Turismoa eta kultura musikala uztartuta iritsiko da hamalaugarrenez Urdaibaiko Organoak. Joxe Mari Eguileor kontzertu zikloa, bihartik abuztuaren 15era. Organoa balioan jartzea bilatzen duten musika emanaldi horiek Busturialdeko zazpi herritan egingo dituzte. Aurten, gainera, kontzertu eta bisita gidatu gehi- ago egongo dira aukeran. Euskadiko organo zaharrenetakoa daukan Busturiak, esaterako, bi kontzertu emango ditu.Europako herrialde ezberdinetatik iritsitako musikariak izango dira parte hartuko dutenak, eta organoagaz gain, biolontxeloagaz, tronpetagaz zein kantuan ere ikusi ahalko dira artista horiek. Ikasmahai bereziak ere izango dituzte aurten; izan ere, partiturak irakurtzeko espazio gehiago behar zutela ikusita, Lectorile.com enpresak partitura bereziak diseinatu dizkiote.
Uztaila eta abuztuan hainbat kontzertu izango dira aukeran, baina izango da horietan berezi bat: hainbat urtetan Bermeoko San Frantzisko elizan organo jotzailea izandako Aitxe Ariztiren omenezkoa, hain zuzen. Uztailaren 29an bilduko dira haren omenezko kontzertuan.
Bisitak, bestalde, Busturiko Axpe auzoko Andra Mariaren elizara (uztailaren 27an eta abuztuaren 8an) eta Mundakako Andra Mariaren elizara (abuztuaren 3an eta 14an) egingo dituzte. Busturira joan nahi dutenek 94-617 10 04 telefonora deitu beharko dute edota urdaibaikoorganoak@gmail.com helbidera idatzi. Mundakara joan nahi dutenek, aldiz, 94-617 72 01 telefono zenbakira deitu beharko dute edota helbide elektroniko berera idatzi.
Mundakako elizako organoak 100 urte beteko ditu datorren urtean, eta horri begira hainbat ekimen antolatuko dituztela aurerratu dute.
