Lurgaia Fundazioak bisita gidatua egingo du Ogellan
Natur Ondarearen eta Kontserbazio eta Kudeaketarako Fundazioak Ogellako marearteko zabalgunea bertatik bertara ezagutzeko antolatu du irteera domeka honetarako [uztailak 23].
Egun pasa egiteko proposamena luzatu dute. Hain zuzen, 10:00etatik 17:00etara egongo dira Ogelllan.
Jose Maria Gorostiaga EHUko Biologia eta Ekologia Departamentuko irakasle eta ikertzaileak gidatuko du saioa. Hark, besteak beste, algei eta aldaketa klimatikoari buruzko azalpenak emango dizkie bertaratzen direnei. “Marearteko zabalguneak interes ekologiko handiko eremuak dira. Itsasbeheragaz haien edertasuna begitandu daiteke; itsasbeheran harriak eta sakonera desberdinetako urmaelak agerian geratzen dira”, azaldu dute Lurgaia Fundazioko ordezkariek.
Ogellako flora eta fauna ezagutzeagaz batera, plastikozko materiala egonez gero, zabor bilketa ere egingo dutela jakitera eman dute.
Lurgaia Fundazioak Bilbotik autobusa antolatu du; 09:00etan irtengo dira Termibus geltokitik. Alabaina, Busturialdeko herritarrak beren kabuz joan beharko dute Ogellara.
Bisita gidatuan parte hartzeko beharrezkoa da aurretiaz izena ematea. Horretarako info@lurgaia.org helbide elektronikora mezua bidali (izen-abizenak zehaztuz) edo telefono zenbaki hauetako batera deitu behar da: 94-657 61 10 edo 606 14 18 37. Era berean, irteerari buruzko informazio gehiago gura izanez gero, edo zalantzaren bat argitzeko haiekin harremanetan jartzeko eskatu dute.
Harrizko hondartza denez, labain ez egiteko oinetakoak eroatea gomendatu dute, bai eta arropa erosoa ere. “Eguzkitik babesteko betaurrekoak, krema eta bisera eroatea garrantzitsua da, eta egun osoan egongo garenez, bainujantzia, toalla edota urpekaritzarako materiala ere eraman daitezke”. Hala, jan-edana norberak eroan beharko du.
Egun pasa egiteko proposamena luzatu dute. Hain zuzen, 10:00etatik 17:00etara egongo dira Ogelllan.
Jose Maria Gorostiaga EHUko Biologia eta Ekologia Departamentuko irakasle eta ikertzaileak gidatuko du saioa. Hark, besteak beste, algei eta aldaketa klimatikoari buruzko azalpenak emango dizkie bertaratzen direnei. “Marearteko zabalguneak interes ekologiko handiko eremuak dira. Itsasbeheragaz haien edertasuna begitandu daiteke; itsasbeheran harriak eta sakonera desberdinetako urmaelak agerian geratzen dira”, azaldu dute Lurgaia Fundazioko ordezkariek.
Ogellako flora eta fauna ezagutzeagaz batera, plastikozko materiala egonez gero, zabor bilketa ere egingo dutela jakitera eman dute.
Lurgaia Fundazioak Bilbotik autobusa antolatu du; 09:00etan irtengo dira Termibus geltokitik. Alabaina, Busturialdeko herritarrak beren kabuz joan beharko dute Ogellara.
Bisita gidatuan parte hartzeko beharrezkoa da aurretiaz izena ematea. Horretarako info@lurgaia.org helbide elektronikora mezua bidali (izen-abizenak zehaztuz) edo telefono zenbaki hauetako batera deitu behar da: 94-657 61 10 edo 606 14 18 37. Era berean, irteerari buruzko informazio gehiago gura izanez gero, edo zalantzaren bat argitzeko haiekin harremanetan jartzeko eskatu dute.
Harrizko hondartza denez, labain ez egiteko oinetakoak eroatea gomendatu dute, bai eta arropa erosoa ere. “Eguzkitik babesteko betaurrekoak, krema eta bisera eroatea garrantzitsua da, eta egun osoan egongo garenez, bainujantzia, toalla edota urpekaritzarako materiala ere eraman daitezke”. Hala, jan-edana norberak eroan beharko du. 
