TKE Ligaren lehenengo bi jardunaldiak, asteburuan
Azken urteetan ez bezala, euskal uretan ekingo diote lehiari TKE ligako arraun taldeek. Hain zuzen, bihar VIII. Bilboko Banderagaz hasiko da Eusko Label Liga. 19:00etan dute hitzordua Portugaleten.
Domekan ere leku berean lehiatuko dute XVI. Sestaoko Udala Bandera, 12:00etatik aurrera.
Uztaileko lehenengo asteburuan hasi eta irailaren erdialdera arte, 18 bandera izango dituzte jokoan. Azken urteetan modura, irailaren 17ko El Corte Ingles Bandera izango da egutegiko azkena (Portugaleten lehiatuko dute). Egun bat lehenago, Bermeoko Hiria 35. Bandera lehiatuko dute. Hain zuzen ere, bi estropada horietan jokatuko dira play off-ak.
Iazko denboraldia errepikatzeko gogoz daude Urdaibaikoak. Izan ere, Kontxa eta liga irabazita (ligan lau puntuko aldea atera zion Hondarribiari), talde sendoa dela erakutsi zuen talde bermeotarrak. Liga gori-gori egon zen azken momentura arte. Azken aurreko jardunaldian etxean, eta azken jardunaldian Portugaleten, giro itzela izan zuten arraun zaleek, eta emozioz beterik bizi izan zituzten bi estropadak. Azkenean, erregulartasunak saria izan zuen, eta Kontxako bandera ez ezik, TKE ligaren koroa Bermeora ekartzea lortu zuten.
Iazko denboraldian Bermeoko taldeak behetik gora egin zuen; talde hondarribitarrak indartsu hasi zuen liga, baina Urdaibaiko arraunlariek zertarako gai ziren erakutsi zuten. Azkenean, biek ala biek bederatzina bandera lortu zituzten, eta San Juanek bakarra.
Aurtengo arraun taldeak
Urdaibaigaz batera, talde hauek lehiatuko dute Eusko Label Liga: Ares, Astillero, Cabo, Hondarribia, Kaiku, Ondarroa, Orio, San Juan, San Pedro, Tiran eta Zierbena.
EGUTEGIA (gizonezkoak):
- Uztailak 1. VIII. Bilboko Bandera
- Uztailak 2. XVI. Sestaoko Udala Bandera
- Uztailak 8. Orioko 27. Estropadak – V. Orio Kanpina Bandera
- Uztailak 9. Donostiako Bandera
- Uztailak 15. Coruña (Riazor hondartza)
- Uztailak 16. X. Concello de Ares Bandera
- Uztailak 22. V. Caixabank Bandera (Santander)
- Uztailak 23. Pasaia
- Uztailak 29. Getxoko Estropaden 39. Ikurriña
- Uztailak 30. 34. Petronor Bandera (Zierbena)
- Abuztuak 12. Hondarribiako 30. Bandera – GP Mapfre
- Abuztuak 13. 33. Ondarroako Bandera
- Abuztuak 19. 40. Zarauzko Estropadak
- Abuztuak 20. 40. Zarauzko Estropadak
- Abuztuak 26. 35. Bandeira Concello de Moaña – VII. GP Fandicosta
- Abuztuak 27. 27. Banderira Concello de Boiro
- Irailak 16. Bermeo Hiria 35. Bandera (play off)
- Irailak 17. 47-43 El Corte Ingles Bandera (Portugalete)
- Uztailak 8. Orioko 27. Estropadak – V. Orio Kanpina Bandera
- Uztailak 9. Donostiako Bandera
- Uztailak 22. V. Caixabank Bandera (Santander)
- Uztailak 23. Pasaia
- Uztailak 29. Getxoko Estropaden 39. Ikurriña
- Uztailak 30. 34. Petronor Bandera (Zierbena)
- Abuztuak 19. 40. Zarauzko Estropadak
- Abuztuak 20. 40. Zarauzko Estropadak
