Denboraldiari ekiteko prest
Denboraldi honetako taldea aurkeztu zuen atzo eguerdian Urdaibaik. Urtero legez, Eneperi jatetxean batu ziren talde argazkia atera eta elkarrekin bazkaltzeko.
Azken urteetan ez bezala, euskal uretan hasiko dute aurtengo denboraldia. Hain zuzen, uztailaren 1ean Bilboko VII Bandera jokatuta ekingo diote lehiari.
Bermeoko taldeko arraunlariek Joseba Fernandez sanjuandarraren agindupean burutuko dute denboraldia, eta Eneko Bilbao eta Vicente Carpintero izango dira patroiak.
Eusko Label Ligaren gala
Bestalde, zapatu arratsaldean Donostian elkartu ziren TKE ligako klubetako ordezkariak. Kursaalean egin zuten Eusko Label Ligaren galan iaz liga titulua irabaztearren CaixaBank Koroaren erreplika jaso zuten Urdaibaiko kideek. Halaber, San Juanek hartu zuen Euskotren Garaikurra.
Era berean, Jon Salsamendik jaso zuen Entrenatzaile Onenaren saria. TKEko entrenatzaile guztiek parte hartutako bozketan, 12 entrenatzaileetatik 8k eman zuten haren aldeko botoa. 2016ko Patroi Onenaren saria, berriz, San Juango Endika Perezek eta Unai Olidenek hartu zuten.
Bestalde, Kirol Merituaren Arrauna aurten mendeurrena bete duen Portugalete San Nikolas Arraun Taldeari eman zioten, eta Harrobi Onenaren saria Caborentzat izan zen.
Hondarribiak sari bikoitza jaso zuen. Batetik, Astilleroko Banderan lortutako 4,81 m/s-ko markagatik denboraldiko Traineru Azkarrenaren Saria eman zioten, eta bestetik, Zalen Onenen saria hartu zuen klubak.
Estropada Antolakuntza Onenaren Saria Andaluziako Arraun Federakuntzarentzat izan zen, iaz Sevillan lehiaturiko Euskadi Basque Country Bandera antolatzeko egindako lanagatik.
URDAIBAI 2017
-ARRAUNLARIAK:
Eusko Label Ligaren Gala zapatuan ospatu zuten Donostiako Kursaalean.
Argazkia: TKE
- Alain Kolunga
- Andoni Garcia
- Beñat Eizagirre
- Carlos Mañas
- David Alfaya
- David Iglesias
- Eneko Van Horenbeke
- Erlantz Egia
- Gentza Zubiri
- Iñaki Goikoetxea
- Joseba Fernandez
- Jon Unanue
- Jon Telletxea
- Mikel Azkarate
- Mikel Beaskoa
- Mikel Calleja
- Mikel Ojeda
- Oscar Viudez
- Xabier Zulaika
- Unai Bilbao
- Eneko Bilbao
- Vicente Carpintero
- Joseba Fernandez
- Aitor Llona
- Gorka del Caño
- Matxalen Azkarate
- Gabriela Costales
- Xabier Muriel
