Dania Jai Alaiko puntistak ere Korrikarekin
AEBeko Floridako Dania Jai Alai pilotalekuko puntista profesionalek bat egin dute Korrikarekin. Bideo bat grabatu eta Euskal Herrira zabaldu gura izan dute.
Busturialdeko puntistek ere parte hartu dute bideoan. Unai Lekerikabeaskoa Leke pilotari gazte gernikarra izan da denen izenean hitza hartu duena. Odei Mintegia eta Xabier Barandika gernikarrek eta Endika Madarieta Elgezabal eatarrak ere parte hartu dute.
Bideoan agertzen diren gainontzeko puntistak honakoak dira: Manex Urtasun (Irun), Ruben Bailo (Noain), Ibon Aldazabal eta Aimar Aldazabal (Berriatua), Ortzi Goiri Txasio (Zarautz), Iñaki García Garita (Durango), Israel Asiain (Cabanillas), Eñaut Salegi, Jon Zabala eta Jokin Arbe (Markina-Xemein), Iker Foronda (Gasteiz) eta Jagoba Narbartek (Orereta-Errenteria).
