Bermeoko Alde Zaharrak lapiko eta putxera txapelketa hartuko du zapatuan
Alde Zaharra Bizirik elkarteak antolatu du txapelketa, bigarrenez. Parte hartu gura duten horiek zapatuan bertan eman beharko dute izena; 10:00etan Goiko Plazako Kabidxe Gune Sozialean. Hala ere, 08:00etan sartu ahalko dituzte gauza guztiak Alde Zaharrera.
Iaz egin bezala, aurten ere, hiru motako indabak prestatzeko aukera izango dute parte hartzaileek: tolosarra, pinta edo nabarra eta Bizkaiko tolosarra. Indabaz gain honako osagaiak onartuko dituzte: patatak, barazkiak, urdaia, txorizoa, odolostea, txarri produktuak, saiheskia eta behi magala. Antolatzaileek azaldu dutenez, ez da derrigorrezkoa osagai guztiak erabiltzea. Txorizoa, odolostea eta urdaia dira derrigorrez erabili beharrekoak.
Indabak lapikoan egin beharko dituzte, derrigorrez; presioko lapikoetan egindakoak kanporatu egingo baitituzte.
Kilo bat. Aurkeztu beharreko gutxieneko kantitatea kilo bat izango dela azaldu dute antolatzaileek, eta parte hartzaileek lapikoak prest eduki beharko dituzte 13:00ak eta 13:30ak bitartean. Ordu horretan aurkeztu beharko dira lapikoak.
Kalean prestatu beharko dira indaba lapikoak; etxetik zeozer prestatuta eroateagatik kanporatu egingo dituzte parte hartzaileak. Gasa, ikatza zein egurra erabilita prestatu ahalko dira lapikoak. Txokoetan prestatzeko aukera ere badagoela azaldu dute, betiere, antolatzaileen kontrolpean.
SARIAK
Iazko irabazleak
- Lehenengo saria. 200 euro + txapela + oroigarria
- Bigarren saria. 150 euro + oroigarria
- Hirugarren saria. 50 euro + oroigarria
- 4.enetik 10.enera. Oroigarria
