Zubi Gane tabernak irabazi du tabernen mozorro txapelketa
Aratusteetako egunik garrantzitsuena izaten dute martitzena bermeotarrek, hala ere, eguraldiak asko baldintzatu du eguna. Ikastetxeek, esaterako, bertan behera utzi dituzte goizeko kalejirak eta eskoletan egin dituzte jaialdiak.
Urtero legez, bestalde, tabernen mozorro txapelketa egin da goizeon, eta Zubi Gane tabernak irabazi du txapelketa Asterix eta Obelix gaia landuta. Tarratadiek emandako txapela, Itsuki irratiak emandako 40 iragarkiko publizitate paketea eta hiru eguneko lagun birentzako egonaldi berezia jaso ditu saritzat.
Garoña ez gaiaz mozorrotutako Kafe Loidxie tabernarentzat izan da bigarren saria, eta hiru eguneko lagun birentzako egonaldia jaso du. Herri kiroletan girotuta dagoen Irish tabernak jaso du hirugarren saria eta bi eguneko lagun birentzako egonaldia jaso du saritzat, hain zuzen ere.
Aurtengoa txapelketaren hamaseigarren aldia izan da eta bost taberna aurkeztu dira txapelketara: Irish, Zubi Gane, Gure-Toki, Kafe Loidxie eta Sarabanda.
Zubi Gane taberna, lehenengo saria
Kafe Loidxe, bigarren saria
Irish taberna, hirugarren saria
