Astelehenetik aurrera zirkulazio aldaketak egongo dira Bermeoko Alde Zaharrean
Alde Zaharreko zenbait kaletan lanak egin behar dituztela eta, honako kaleak zirkulaziora itxita egongo direla jakinarazi dute Bermeoko Udaletik: Arana Goiri tar Sabinen enparantza, Nardiz tar Jon kalea (Etxebarri tar Kresentzi eta Aldatzeta kaleen artean) eta Etxebarri tar Kresentzi kalea.
Kale horiek itxita egongo direnez, zirkulazio aldaketak egingo dituztela azaldu dute. Aldizkako zirkulazio aldaketen berri emateko seinaleak jarriko dituzte.
Lauzak, isurbideak eta espaloiak konpontzeko lanak egingo dituzte hiru kale horietan.
