200 kirolarik parte hartuko dute biharko kirol erakustaldian
Urtero legez, aurten ere, kirol erakustaldia egingo dute Artza frontoian. Biharko jarri dute hitzordua, 18:00etan. Jakinarazi dutenez, 200 kirolari inguruk parte hartuko dute.
Areto barruan egiten diren kirol jardueretan parte hartzen duten kirolari guztiek izango dute ikasitakoa, hobetutakoa… jendaurrean erakusteko aukera; umeen zein nagusien parte hartzea egongo da. Beraz, gimnasia erritmikoa, karatea, zumba eta beste kirol jarduera batzuk ikusi ahal izango dira bihar Artza frontoian.
Bermeoko Udal Kirol Patronatuak, Xixili Gimnasia taldeaak, Karate elkarteak eta Itsas Izarrak antolatzen dute kirol erakustaldia.
