Sortuk Zohardia ponentzia aurkeztuko du hilaren 22an Gernikan
Azaroaren 22an Sortuk Zohardia ponentzia aurkeztuko die herritarrei. Gernika-Lumoko Elai-Alai aretoan batuko dira, 19:30ean, eta zuzendaritzen aurkezpena ere egingo dute. Urtza Alkorta ondarrutarra izango da hizlaria.
Aurkezpenaren aurretik, azaroaren 19an, Sorturen nazio eztabaida streaming bidez ikusteko aukera emango diete herritarrei, Harizpe txokoan, 10:30etik aurrera. Era berean, akreditazioak betetzeko aukera ere izango dute herritarrek egun horretan.
Azaroaren 26an, bestalde, herri asanblea egingo du Sortuk. Egun horretan ere Harizpen batuko dira, 10:00etatik aurrera. Ostean, zuzendaritza nazioanala eta herrialdekoa bozkatzeko aukera izango dute parte hartzen dutenek. Gogorarazi dutenez, horretarako ezinbestekoa da akreditatuta egotea.
Azaroaren 5ean emandako prentsaurrekoan jakinarazi zuen Gernika-Lumoko Sortuk alderdiaren antolamendu berria osatzeko prozedura hasia dutela.
Erlazionatutako edukiaSortu berrantolatzeko kongresua egingo dutela iragarri dute
