Gernikarren eta hernaniarren arteko derbia domekan, Urbietan
12:00etan hasiko da bi taldeen arteko norgehiagoka.
Gernika Rugby Taldearentzat 2016-2017 denboraldiko etxeko bigarren partida da.
Orain arteko arteko derbietan moduan, bi euskal taldeen artean lehia bizia espero da Urbietan. Gainera, biek ala biek, liga hasi denetik ez dute garaipenik lortu.
Basurdeek 42-33 galdu zuten Ciencias Fundacion Cajasol taldearen kontra, zapatuan Sevillan (Andaluzia, Espainia). Lehen jardunaldian, berriz, 13-17 galdu zuten etxean VRAC Quesos Entrepinaresen aurka.
Bestalde, aurreko asteburuan Hernani C.R.Ek 10-29 galdu zuen Complutense Cisnerosen kontra. Ligako lehen partidan 19-15 nagusitu zitzaion Independiente Rugby taldea.
Talde gernikarra sailkapeneko bederatzigarrena da, bi puntugaz. Haren atzetik dago talde hernaniarra, puntu bakarragaz
