Bermeok astelehenean jokatuko du denboraldi-aurreko lehen partida
Amorebietaren kontra jokatuko du Urritxen, 18:30ean hasita.
Toño Vadillo entrenatzailearen agindupean, astelehenean hasi ziren entrenatzen, eta 2016-2017 denboraldian 13 jokalari berri ariko dira taldean. Horietatik lau jokalari beheko taldetik igotakoak dira: Ander Jimenez, Ibon Erauzkin, Ekain Ormaza eta Gotzon Basaldua.
Halaber, aurreko denboraldian Zallan aritu ziren hiru jokalarik jokatuko dute Bermeon: Xabi Nuñez, Aitor Villar eta Ukerdi Corres. Era bereanm beste sei jokalariak ere talde bizkaitarretatik datoz: Jon Ander Cota (Santurtzi), Borja Erice (Santutxu), Mikel Zaton (Somorrostro), Hugo Cabanas (Balmaseda), Mario Sanchez (Balmaseda), Asier Uribarri (Abadiño).
Bestalde, Pedernalesek, Amorrortuk, Josuek, Susmozasek, Egañka, Juanek, Unaik, eta Jagobak taldean ez dutela jarraituko jakitera eman du klubak.
Beste lagunarteko neurketak
Asteleheneko partidaren ostean, Bermeok Arenasen kontra jokatu du eguaztenean Itxasganen. 19:30ean hasiko da partida.
Hilaren 30ean (zapatua) ere etxean ariko dira Leioaren kontra, 19:00etatik aurrera.
Bestalde, abuzturako hiru hitzordu dituzte momentuz. Abuztuaren 3an (eguaztena) Castroren kontra jokatuko dute Itxasganen, 19:30ean hasita. Hiru egun beranduago, Getxoren kontra ariko dira Gobelan, 18:00etatik aurrera.
Halaber, abuztuak 13an eta 14an Arratiako Txapelketan parte hartuko du talde bermeotarrak.
Astelehenean hasi ziren entrenatzen. Argazkia: Bermeo Futbol Taldea.
