Skate eta patinatze ikastaroak antolatu ditu Mundakako Udalak
Ekainaren 20tik 24ra emango dute patinatze ikastaroa, eta 6 eta 12 urte bitarteko ume eta gazteei zuzenduta dago. Jakinarazi dutenez, gehienez, 20 umek parte hartu ahalko dute ikastaroan.
Patinatze ikastaroa kiroldegian izango da 10:30etik 12:00etara. Parte hartzaileek derrigorrezkoa izango dute babesa eroatea, bestela “ezingo dute parte hartu”.
Bi txanda skate ikastarorako
Skate ikastaroa, berriz, uztailerako antolatu dute, eta 5 urtetik gorako umeek parte hartu ahalko dute. Bi txanda egongo dira: lehenengoa uztailaren 4tik 8ra; eta bigarrena, uztailaren 11tik 15era. Bien ordutegia 16:30etik 17:30era izango da.
Turismo Bulegoan (94-617 72 01) edo kiroldegian (94-617 71 42) eman daiteke izena skate zein patinatze ikastaroetarako. Emailez ere egin daiteke gonkirola@gmail.com-era idatzita.
