Muturreko kayak espedizioak mintzagai izango dira, Lekeition
Lekeitioko Dzanga piragua taldeak antolatuta, Caminos de Agua filma ikusteko eta muturreko kayak espedizioen inguruko hitzaldian parte hartzeko aukera egongo da bihar, 19:00etan, Lekeitioko kultur etxean.Caminos de Agua dokumentalak kayakean ibiltzen d...
Lekeitioko Dzanga piragua taldeak antolatuta, Caminos de Agua filma ikusteko eta muturreko kayak espedizioen inguruko hitzaldian parte hartzeko aukera egongo da bihar, 19:00etan, Lekeitioko kultur etxean.
Caminos de Agua dokumentalak kayakean ibiltzen diren Mikel Sarasola, Aitor Goikoetxea eta Xabier Olano euskal herritarrek hilabetez egindako bidaia batean bizitakoak kontatzen ditu; Patagoniako mendietan hasi eta itsasorainoko bidea egin zuten (600 kilometro). Bidaian, gainera, ur jauzi eta erreka berriak bilatu eta Patagoniako laku handiak zeharkatu zituzten, piraguaz.
Bertatik bertara
Sarasola bera egongo da Lekeition. Euskal Herri zein mundu mailan punta-puntan dabilen kirolaria dela diote antolatzaileek. «Bere curriculuma ikusi baino besterik ez dago», nabarmendu dute. Izan ere, Mikel Sarasola laugarren geratu zen 2010, 2012 eta 2013ko Munduko txapelketetan, eta 2015ean ere finalista geratu zen. Hainbat espedizio ere burutu ditu, Australiara, Austriako Alpeetara, Noruegara, Txakiar Errepublikara, Chile, Argentina eta Nepalera, besteak beste.
Caminos de Agua filmak, bestalde, hainbat sari jaso ditu, beste batzuren artean, Bilboko Mendi Film Festivalean (2014), Limako (Peru) InkaFest lehiaketan (2015) eta Espainiako Ukerdi Film Festivalen.
Caminos de Agua dokumentalak kayakean ibiltzen diren Mikel Sarasola, Aitor Goikoetxea eta Xabier Olano euskal herritarrek hilabetez egindako bidaia batean bizitakoak kontatzen ditu; Patagoniako mendietan hasi eta itsasorainoko bidea egin zuten (600 kilometro). Bidaian, gainera, ur jauzi eta erreka berriak bilatu eta Patagoniako laku handiak zeharkatu zituzten, piraguaz.
Bertatik bertara
Sarasola bera egongo da Lekeition. Euskal Herri zein mundu mailan punta-puntan dabilen kirolaria dela diote antolatzaileek. «Bere curriculuma ikusi baino besterik ez dago», nabarmendu dute. Izan ere, Mikel Sarasola laugarren geratu zen 2010, 2012 eta 2013ko Munduko txapelketetan, eta 2015ean ere finalista geratu zen. Hainbat espedizio ere burutu ditu, Australiara, Austriako Alpeetara, Noruegara, Txakiar Errepublikara, Chile, Argentina eta Nepalera, besteak beste.
Caminos de Agua filmak, bestalde, hainbat sari jaso ditu, beste batzuren artean, Bilboko Mendi Film Festivalean (2014), Limako (Peru) InkaFest lehiaketan (2015) eta Espainiako Ukerdi Film Festivalen.
