600 parte hartzaile inguruk lehiatu dute Morga Traila
Aitor Uriarte eta Marta Antoñanak irabazi dute trail luzea. MTBn Iñigo Gomez eta Zuriñe Frutos nagusitu dira. Martxak eta txakur-krosa ere lehiatu dituzteHerenegun 580 pertsonak lehiatu zuten Morga Traila. Trail luzean Aitor Uriarte nagusitu zen, 01...
Aitor Uriarte eta Marta Antoñanak irabazi dute trail luzea. MTBn Iñigo Gomez eta Zuriñe Frutos nagusitu dira. Martxak eta txakur-krosa ere lehiatu dituzte
Herenegun 580 pertsonak lehiatu zuten Morga Traila. Trail luzean Aitor Uriarte nagusitu zen, 01:37:28 denboragaz. Alfonso Fernandez sailkatu zen atzetik, eta Iñaki Arriaga izan zen hirugarrena. Emakumezkoetan, Marta Antoñana izan zen onena (02:02:05); Agurtzane Argiarro sailkatu zen bigarren, eta Arantza Cantero hirugarren.Trail laburrean Anartz Muxika izan zen azkarrena (46:14). Gustabo Lambarri bigarren ailegatu zen, Muxikarengandik 30 segundora. David Bujan sailkatu zen hirugarren. Nesketan, berriz, Garazi Arranz izan zen lehena; 59 minutu eta 33 segundotan amaitu zuen proba. Susana Vicente bigarren heldu zen, eta Virginia del Arco, hirugarren.
MTB kategorian, Iñigo Gomez gailendu zen, ordu bete, 13 minutu eta 57 segundoko denboragaz. Josu Pena izan zen bigarrena, eta Erlantz Santa Maria de Unza sailkatu zen haren atzetik. Zuriñe Frutos izan zen nesketan azkarrena (01:44.36), eta atzetik Arantza Artetxe eta Onintza Muruaga sailkatu ziren.
Txakur-kros kategorian, Ekaitz Erauskin eta Flynn txakurra heldu ziren lehenengo helmugara, 42 minutu eta 16 segundotan. Nesketan, Aida Males eta Tula txakurra nagusitu ziren, 53 minutu eta 17 segundoko denboragaz.
Martxa luzean, denbora berean heldu ziren lehenengo hirurak: 2:36:54. Fernando Tejada, Andoni Etxaniz eta Juan Carlos Garmendia izan ziren azkarrenak. Nesketan, Izaskun Perez izan zen azkarrena, 2 ordu, 52 minutu eta 5 segundoko marka eginda. Maria Beatriz del Pino bigarren sailkatu zen, eta Irati Zorrozua izan zen hirugarrena.
Martxa laburrean, Rober Sevilla izan zen lehena (01:22:52). Iñigo Bilbao geratu zen bigarren, eta J.F. Urtiaga, hirugarren. Emakumezkoetan, Elena Fernandez gailendu zen (01:41:51). Atzetik, denbora berera heldu ziren Ane Urkiza eta Amaia Oses.
