Ibai Zumalakarregi eta Ibai Ajuriagoikoa bigarren sailkatu dira VII. Bergarako Goitibehera txapelketan
Julen Markez eta Beñat Landa Markez Anaiak taldeko kideak izan dira txapeldunak. Gorosti Loradendako Jokin Gutierrez eta Andoni Barriobero geratu ziren hirugarren.
Halaber, Trokan Beherako Jon Naberanek bosgarren amaitu zuen lehia, eta haren atzetik sailkatu ziren Iskander Kobeaga eta Gorka Muniategi taldekideak.
Bestalde, Errodamentuak kategorian Trokan Beherako Itai Maruri eta Aitor Aransolo nagusitu ziren. Horiek 39. amaitu zuten sailkapen orokorrean.
Jon Kepa Jauregik zazpigarren sailkatzea lortu zuen Arinak kategorian, eta sailkapen orokorrari dagokionez, 24. amaitu zuen. Daniel Jauregik, ostera, hamargarren egin zuen kategoria horretan, eta sailkapen orokorrean 27. geratu zen. Iker Arizti Zuauto TIM-eko kidea izan zen Arinak kategoriako irabazlea.
Drift Trike kategorian Ibai Urrutia bigarren sailkatu zen (sailkapen orokorrean 29.), Mantzanillo Razing taldeko Ioritz Ondarraren atzetik.
