Nardiz saria jaso du Anabacek
Lehen sektorean eta elikagaien industrian egindako ibilbide profesionala aitortzen dute Nardiz Sariek. Nekazaritza sektorean Kaiku kooperatibak jaso du saria; arrantzan, Anabac, Atunontzi izoztaileen Armadoreen Elkarteak; eta elikagaien industrian, Bacalao Giraldo enpresak. Iñigo Urkullu lehendakariaren eskutik jaso zuten saria, atzo arratsaldean.
AnabaC, Atunontzi Izoztaileen Armadoreen Elkartea, Bermeon eratu zen 1977an, eta gaur egun Euskal Herriko inguraketako atunontzi izoztaileak batzen ditu. Lau enpresa talderen esku daude elkarteko atunontzi horiek: Atunsa, Echebastar, Inpesca eta Pevasa. 25 atunontzi izoztaile eta 12 laguntza ontzi ditu guztira, hau da, Euskal Herriko atunontzi izoztaileen %80, Espainiakoaren %60 eta Europakoaren %40. Kolektibo horien interesen defentsa da bere helburu nagusia, bai eta era arduratsuan arrantzatuz espeziea iraunaraztea ere.
Anabaceko ordezkariak Iñigo Urkullu lehendakariagaz. Argazkia: Eusko Jaurlaritza
