Zuhaitz Egunaren harira, ekitaldi bereziak izango dira Busturian
Zuhaitz Eguna dela eta, jarduera bereziak antolatu ditu Euskadiko Biodibertsitate Zentroak asteburu honetarako. Besteak beste, irteera gidatua egingo dute Rober Garaik sortutako basora, eta bertoko zuhaitzak ezagutzera emateko umeentzako pista-jolasa egingo dute.
Bihar Urdaibaiko paduretara bisita gidatua egingo dute, 10:00etan, eta 11:30ean kortxozko imanak sortzeko tailerra egongo da, 6 urtetik aurrerakoei zuzenduta. Besteak beste, tailer horretan kortxoa nondik datorren azalduko diete parte hartzaileei. 12:30ean, bestalde, bisita gidatu familiarra izango da.
Arratsaldean ere izango da zer egin Madariaga Dorretxean. 17:00etan jasangarritasun aldeko tailerra egingo dute, Zapaltzen duzun lurra izenburupean.
Domekan, energia berriztagarriei eta garraio jasangarriei buruzko tailerra egingo dute, 11:00etan, 5 urtetik gorakoei zuzenduta. 12:30ean, berriz, bisitaldi gidatua egingo dute.
16:30ean izango da Rober Garaik sortutako basora bisita; eta 17:00etan, azkenik, zuhaitz autoktonoak ezagutzera emateko umeentzako pista-jolasa.
Informazio gehiagorako edo izena emateko 94-687 04 02 telefono zenbakira dei daiteke, edo info@torremadariaga.org helbidera idatzi.
Rober Garaik basoan egindako artelana
