Udal politika ekonomikoez ariko dira bihar Ean, Eñaut Apaolazagaz
EKAI Centerrek Eako Udalaren eta Bizkaiko Foru Aldundiaren laguntzagaz antolatuta, udal politika ekonomikoak izango dituzte berbagai bihar, Ean. Eñaut Apaolaza EKAI Centerreko ekonomilariak hitzaldia emango du, Zer egin daiteke udaletik jarduera ekonomikoa eta enplegua sustatzeko izenburupean.
Galderak egiteko tartea edukiko dute eatarrek. Izan ere, antolatzaileen helburua ez da gaurkoa hitzaldi huts bat izatea, baizik eta, “gaia aurkezteaz gain, modu lasai eta informalean berba egitea ditugun zalantzez edo ekarpenez”. Hori horrela, ez da adituei zuzendutako ekitaldia, baizik eta “interesa duen guztiei” zuzendutakoa.
Eskolondon izango da ekitaldia, 2. solairuan, 19:30ean.
Bestetik, Herrijeri emon arnasa kultur taldeak eta udalak antolatuta, Xabier Olarragaz solasaldia izango da zapatuan Ean, 19:00etan. James Joyceren Ulises-ez ariko dira Eskolondoko liburutegian Olarragaz, hark itzuli baitu euskarara liburua.
Solasaldiaren ostean, 20:00etan, eleberriaren azken kapituluko bakarrizketan oinarritutako Molly Bloom, lur eta haragia antzezlana taularatuko dute Agerre teatroa taldeko kideek. Sarrera doan izango da.
EKAI Centerreko Eñaut Apaolaza
