'Inoxentziaren laborategia' haurrentzako antzezlana domekan, Lizeo Antzokian
Antzezlanaren une bat
Gernika-Lumoko Lizeo Antzokian Inoxentziaren laborategia (Krego-Martin dantza) haurrei zuzendutako antzezlana egongo da ikusgai domekan, urtarrilaren 17an. Eguzki Zubiaren zuzendaritzapean ariko dira Bego Krego, Maria Martin eta Judit Ruiz aktoteak. Zubia bera ere badago antzezleen artean. Inoxentziaren laborategia ipuin liluragarri bat” dela diote: “Hemen dantzak, espresioak eta textuak sinfonia irrigarri bikaina jolasten dute”.
17:00etan hasiko da antzezlana, eta sarrerak 5 euro balioko du; 6,5 euro Lizeo Antzokiaren lagun txartela daukatenen kasuan. Bost urtetik gorako haurrei zuzenduta dago.
Sinopsia: Inoxentziak bere etxe-laborategiko ateak zabaldu dizkigu. Hemen, hainbat eta hainbat izaki formula, argi-itzal eta barre artean bizi dira. Egun oso bat eman dute…. pastela sortzen. Inoxentzia laborategia, berez, ikuskizuna da, eta zientziatik haratago frogatu ahal da milioika formula daudela, hots, izaki bizidun dauden beste hainbeste. Ezberdina, bada, naturaren oparia da eta natura da teknologietan gorena. Inoxentziaren laborategian desberdintasuna abantaila bat da. Gaur janaria prestatzen, formulatzen, lantzen, dantzatzen eta irribarre tartean haien topaketa ospatzen dute.
