Euskal Herriko txapelketako 1.jardunaldian hirugarren sailkatu dira Muruetakoak, B multzoan

Aintzina Monasterio

2015/12/03

12299237_443184819200062_3154254830807204517_n

Argazkia: Murueta Sokatira Kirol kluba.

Zapatuan, Anoetako kiroldegian (Gipuzkoa) lehiatu zuten 300 kiloko Euskal Herriko 4X4 sokatira txapelketaren lehen jardunaldia. Gizonezkoetan, hiru multzotan banatuta talde hauek parte hartu zuten: Murueta, Ñapurrak, Sokarri, Ibarra, Berriozar, Atzera, Baiona, Beti-Gazte, Txantrea eta Amaiur. Emakumezkoetan, berriz, ondorengo lau taldeak aritu ziren nor baino nor gehiago: Ibarra, Badaiotz, Txantrea eta Bizindar. A multzoan, Ñapurrak A taldea izan zen onena. Haren atzetik sailkatu ziren Sokarri A, Ibarra A, Berriozar A, Atzera eta Baiona. B multzoan, Ibarra B taldea nagusitu zen eta Ñapurrak B taldea sailkatu zen bigarren. Muruetako taldearen atzetik, Sokarri B eta Berriozar B geratu ziren.

12316419_443184779200066_5248183383456048917_n-1

Argazkia: Murueta Sokatira Kirol kluba.

C multzoa lau taldek osatu zuten, eta guztien artean Beti-gazte izan zen onena eta Amaiur taldeak egin zuen bigarren. Baiona B taldea izan zen multzoko hirugarrena eta Txantrea eta Ñapurrak B-rekin osaturiko taldea laugarren sailkatu zen. Nesken lehia, 260 kilotan izan zen, eta Ibarra nagusitu zen. Badaiotz taldea izan zen bigarrena, Txantrea hirugarrena eta Bizindar laugarrena.