Martxan dago Elantxobeko argazki lehiaketa

Aintzina Monasterio

2015/07/08

Iaz 1.saria jaso zuen argazkia Itziar Zubietarena izan zen.

Udalak eta Be bai Elantxobe Euskara Elkarteak antolatzen duten bosgarren urtea da, eta abuztuaren 9rarteko epea dago argazkiak aurkezteko. Parte hartu gura dutenek udalerriko dendetan eta tabernetan utzi ditzakete argazkiak. Era berean, honako helbide elektronikora bidaltzeko aukera dago: bebaieuskeraelkartea@gmail.com. Parte hartzaile bakoitzak gehienez bost argazki aurkeztu ditzake. Gero, lehiaketara bidalitako argazkiak erakusgai ipiniko dituzte herriko taberna guztietan. Erakusketa antolatzeaz gain, baliteke argazkietako batzuk datorren urteko egutegian sartzea. Epaimahaiak aukeratutako lehenengo hirurentzat egongo dira sariak. Irabazleak hamaiketakoa eta Errioxar ardo onduaren sei botila jasoko ditu. Bigarrena, hamaiketakoagaz eta bi cava botilagaz sarituko dute, eta hirugarren saria hamaiketakoa izango da. Hain zuzen ere, 50 euroko hamaiketakoa izango da eta herrian bertan egin beharko dute irabazleek.