Txirrindulari asko batu ditu Bermeoko IV. Bizikleta Egunak

Olaia Zabalondo

2015/04/14

140 txirrindularitik gora izan dira. Argazkia: Bermeoko Udala

Domekan egin zuten Bermeoko Udalaren Kirol Patronatuak eta Bermeo Txirrindularitza taldeak antolatzen duten Bizikleta Eguna. Aurtengoa, ekimen horren laugarren urtea izan da eta antolatzaileak “oso pozik” daude parte hartzearekin. Izan ere, inoiz baino txirrindulari gehiago animatu dira parte hartzera. Umeak izan ziren goizeko lehenengo protagonistak, 70 inguru izan ziren ginkanan parte hartzera animatu zirenak. Ondoren, umeak zein nagusiak txirrinduak hartu eta pedalei eragiteko tartea izan zuten. Herriko kaleak zeharkatu zituzten, 7,5 kilometroko ibilbidea eginez. 140 txirrindularitik gora egin zuten IV. Bizikleta Eguneko ibilbidea. Aurten izan den parte hartzea kontuan izanik, datorren urtera begira, “data berdina mantentzeko” ahalegina egingo dutela azaldu dute antolatzaileek.