Jose Alberto Batiz gitarra jotzailea omendu du Lekuek Festibalak
Bere ibilbideari buruz solasean aritu ziren atzo Astran, eta kontzertu labur bat ere eman zuen
Akelarre, Tapia eta Leturia Band edo Fito & Fitipaldis bezalako taldeetako gitarra jotzailea izan da, eta Busturialdeak eman duen musikaririk onenetakoa dela diote musikan adituek. Era berean, hainbat musikari eta musika taldererekin ere kolaboratu izan du: Platero y Tu, Extrechinato y Tu, Extremoduro, Gatibu… Hala nola, Gernika-Lumoko hainbat musika talderekin ere. Ibilbide luzea izan du musikaren munduan, eta horri buruz aritzeko parada izan zuten hainbat lagunek atzo, Astran, Lekuek Festibalaren barruan. Solasaldiaren ostean, kontzertu laburra eman zuen Batizek, Jorge Etxebarrieta ‘Txortx’ eta Gatibu taldeko bateria-jole Gaizka Salazarren laguntzarekin.
Domekan hasi zan Gernika-Lumon Lekuek Festibala, eta hurrengo domekara bitartean, ekitaldiz beteriko eskaintza musikala dakar jaialdiak. Egiataraua, hemen.
