Hernaniren aurkako euskal derbian parte hartuko du zapatuan Gernika Bizkaiak
Errugbiaz gozatzeko aukera ere izango dute errugbizaleek asteburuan; horretarako, gainera, ez dute ez dute urrunera joan beharko; Gernika Bizkaiak herrian bertan jokatuko baitu asteburu honetan. Ez da edonolako partida izango, gainera; euskal derbia hartuko baitu Urbietak zapatuan 16:30ean hasita. Hain zuzen, hernaniarren aurka lehiatu beharko dira bertoko basurdeak.
Sailkapeneko postuei eta puntuei erreparatuz gero, alde handia dago talde bizkaitarraren eta gipuzkoarraren artean; izan ere, Gernika Bizkaia sailkapeneko seigarren postuan dago 37 puntugaz eta Hernani, berriz, azken postuan, 12 puntugaz.
16. jardunaldia jokatuko dute asteburuan, eta ez da denboraldian Hernaniren aurka jokatzen duen lehen aldia izango gernikarrentzat. Izan ere, urriaren 18an gipuzkoarren zelaian jokatu zuten bertokoek. 14 – 19 egin zuten orduan.
