Kalea zarratu ez arren, giro onean joan da Juan Calzada eguna

http://www.youtube.com/watch?v=X8tarwPBabI&feature=youtu.be

Busturialdeko Hitza

Busturialdea

2013/06/24

Kontzertuetako bat

Kalea itxi barik eta egitarauan zenbait aldaketa eginda, Juan Calzada eguna ospatzerik izan zuten zapatuan Gernika-Lumon. Pintxopote ekimenaren hamabi taberna sustatzaileen asmoa aurreikusitako jarduera guztiak kalean egitea zen, baina kalea ixteko baimenik eman ez zietela eta, egitaraua apur bat moldatu behar izan zuten. Dena den, giro onean ospatu dute Gernika-Lumon Juan Calzada eguna. Umeentzako tailerrak, bazkari herrikoia eta herriko musika taldeen kontzertuak izan ziren zapatuan, besteak beste. Gernika-Lumoko Herrirak antolatutako desafioa be izan zen Juan Calzada egunean. Hain zuzen, “espetxe politika krudela” ordezkatzen zuen 11 tonako kamioia mugitu zuten gernikarrek, sakabanaketa politikagaz amaitzeko eta euskal presoak herriratzeko “denon indarra beharrezkoa” dela gogora ekartzeko.