Foruko Upeta errekak gainezka egin du, Urberuaga auzoan
Azken orduetako denboraleak gainezka egiteraino bete ditu hainbat ibai. Busturialdean, adibidez, Oka ibaiaren arroa zaintzen ibili da Euskalmet, emaria handia zelako, baina 10:20 aldera gainezka egiteko arriskurik ez daukala jakinarazi du. Halanda be, Foruan gainezka egin du Upeta errekak, ohi legez, Urberuaga auzoan.
Busturiko San Kristobal auzoan be adi daude, Mape errekaren emaria be handia baita. Ermita aurreko arketa zabaldu behar izan dute, urak gainezka egiten zuelako.
Bestalde, eskualdeko hainbat solo urez bete dira. Horrez gain, Gernika-Lumoko Santa Ana aparkalekuan be arazoak sortu ditu euriak.
